ӨЛКӨНҮН КЕЛЕЧЕГИ — ЖАРАНДАРДЫН ДЕН СООЛУГУНАН КӨЗ КАРАНДЫ

Жыл сайын Дүйнөлүк саламаттыкты сактоо уюму Европа аймагында тамекиге каршы күрөшүү чараларын жайылткан жана ишке ашырган уюмдарды сыйлайт. Үстүбүздөгү жылы, уюмдун сыйлыгына“Республикалык Аялдар кеңеши” коомдук бирикмесинин төрайымы, Жогорку Кеңештин экс-депутаты Айнуру Алтыбаева татыды. Ал “Кыргыз Республикасынын жарандарынын ден соолугун тамеки, никотин керектөө кесепеттеринен, айланадагы тамеки түтүнүнүн жана аэрозолдун таасиринен коргоо жөнүндө” мыйзамдын авторлорунун бири.