Майыптуулугу бар балдарды караган жеке ассистенттин маянасы кандай?

Бүгүнкү күндө өлкө аймагы боюнча дайыма бирөөнүн багуусуна жана көзөмөлүнө муктаж болгон ден соолугунан мүмкүнчүлүгү чектелген 7 миң 471 бала каттоодо турат. Аларга 7 миңден ашуун жеке ассистент социалдык кызматтарды көрсөтүп келет. Аларды айлык акы менен камсыздап турууга республикалык бюджеттен быйылкы жылга 642 млн сомдон ашуун акча каражаты бөлүнүп берилген. Буга ылайык, ар бир жеке ассистент ай сайын 4 миң 900 сом өлчөмүндө мөөнөтүнөн кечиктирилбей айлык акы менен камсыздалууда.