«МАНАС БАНКТЫН» АЙЛАНАСЫНДАГЫ ТАЛАШКА СОТ ЧЕКИТ КОЙДУ

Кыргызстан эл аралык сотто «Манас банкы» боюнча талаш-тартышты биротоло жеңип алды. Бул тууралуу Юстиция министрлиги маалымдады. Банк 2010-жылы улутташтырылгандан кийин арбитраждык сот кыргыз өкмөтүн Валерий Белоконьго 16,5 миллион доллар компенсация төлөп беришин милдеттендирген. Бирок 2017-жылдын 21-февралында Париж сотунда бул чечим жокко чыгарылган. Бизнесмендин бул боюнча даттануусун карап, Франциянын Кассациялык соту Париж сотунун чечимин туура деп калтырды.