Маршруткалардын айдоочулары иш таштаса, лицензиялары чакыртылат, — мэрия

Ордо калаадагы маршруттук таксилерде жол киренин баасы күндүзү 15, ал эми кечкисин 20 сомго чейин көтөрүлүшү мүмкүн. Калаа мериясы жол киренин баасына өзгөртүү киргизүү маселесин карап жатат. Шаар тургандарынын мүмкүнчүлүктөрүн эске алуу менен ички каттамдагы жол акынын баасы 2012-жылдан бери өзгөрүлбөй келген. Шаардык кеңештин депутаттары да ушул маселенин айланасында иш алып барууда. Кичи автобустардын айдоочулары Бишкек мэриясына жол киренин баасын көтөрүү тууралуу бир нече жолу кайрылып, талабы аткарылбаса, ишин токтотууга даяр экендигин да билдиришкен.