Орусиялык дарыгерлер кыргыз медиктеринин ишине баа берди

Таажы илдети менен күрөшүүгө көмөктөшүүгө келген орусиялык дарыгерлер Кыргызстандын медицинасына гана эмес, кыргыздардын сыйы жана ынтымагына да баа беришти. Бир айга чукул илдеттин очогунда кызмат өтөп, тажрыйбалары менен бөлүшкөн дарыгерлер бүгүн Чыңгыз Айматовдун үй-музейине баш багып, улуу залкардын өмүрү менен жакындан таанышты. (1)Орусиянын дарыгерлер делегациясы, тынч заман сөзсүз кайтып келерин билдирип, айрымдары кеткиси келбей турганын айтышат.