«Пантера» атайын багыттагы бөлүгү парашюттан секирүү боюнча кезектеги машыгуусун өткөрдү

Токмок шаарында атайын даярдыктагы аскер кызматкерлеринин Ан-26 учагынан парашют менен секирүү боюнча кезектеги машыгуусу болуп өттү. Аскерлер 600 жана бир жарым миң метр бийиктиктен парашют менен секиришип, даярдыкты ийгиликтүү аякташты. Машыгууга катышууга жалпысынан атайын даярдыктагы 35тей аскер кызматкери уруксаат алган. Алар Кант шаарынан учуп чыгып, Токмоктун тушунан жерге түшүштү.