Парламенттин 7-чакырылышына депутатарды кайра шайлоо кандай шартта өтөт?

20-октябрда «Ала-Арча» мамлекеттик резиденциясында өткөн жыйында Жогорку Кеңештин депутаттарын шайлоо мыйзамдарына өзгөртүү киргизүү жөнүндөгү мыйзам долбоору биринчи окууда колдоо тапты. Демилгечилердин бири, депутат Алтынбек Сулайманов сунуштаган мыйзам долбоору эми экинчи, анан үчүнчү окууда каралат. Парламенттин 7-чакырылышына депутатарды кайра шайлоодо шайлоонун күрөөсү 1 миллион сом, босого чек 3 пайызга төмөндөтүлөт жана форма эки аркылуу саясий өнөктүккө катышуу жолу татаалдаштырылат. Ал эми шайлоого аттана турган мамлекеттик жана муниципалдык кызматкерлер жумуштан убактылуу гана четтетилбей, толугу менен кызматтан бошотулары айтылууда. Жогорку Кеңештин жыйынында дагы кандай орчундуу маселелер талкууланды?