Президенттикке талапкерлер тарабынан үгүт өнөктүгүндө мыйзам бузган 53 маалымат катталды

Административдик ресурстарды кыянаттык менен пайдалануу, шайлоочулардын добушун сатып алуу жана шайлоочуларга кысым көрсөтүү, коркутуу жөнүндө элүүдөн ашык билдирүү катталды. Бул “Жалпы иш” фондунун байкоочулары тарабынан аныкталган мыйзам бузуу боюнча маалыматтар. Фонддун өкүлдөрү маалымат жыйында үгүт өнөктүгүнө байланыштуу ачык-айкындуулукту камсыз кылуу максатында жүргүзгөн байкоо иштери менен тааныштырышты.