Садыр Жапаров Баткен облусундагы чек ара айылдарын кыдырды

Чек ара жаңжалынан улам жабыркаган объектилер мерчемделген убакытта калыбына келтирип, куруп бүткөрүлүшү керек. Мындай тапшырманы Президент Баткен облусуна болгон иш сапарынын алкагында тийиштүү органдарга берди. Садыр Жапаров ошондой эле Баткен облусунун Лейлек районундагы Борбордук айылындагы мектептин жаңы имаратынын пайдубалына капсула салды. Мындан сырткары ал «Жаңы-Жер» чек ара тозотуна барып, мекенди коргоочулардан кабар алды. Андан соң Борбордук жана Достук айылдарынын тургундары менен жолугуп, аларды кызыктырган суроолоруна жооп берип жатып, Баткен облусуна өзгөчө статус берилерин айтты.