Сергек жашоо жүрөк ооруларын алдын алат

Өлкөдө жылдан жылга жүрөк-кан тамыр илдетине чалдыккан жарандар көбөйүп жатат. Анын кесепетинен улам каза болгон адамдардын саны жагынан Кыргызстан алдыңкы он өлкөнүн катарына кирет. Статистикалык маалыматтарга ылайык, ар жылы республикада жүрөк оорусунан 18 миңдей адам каза болсо, дүйнө жүзүндө жылына жүрөк дартынан 17 миллиондон ашык адам көз жумат.