Шайлоо-2021: БШКнын дарегине 300дөн ашуун арыз-даттануу, билдирүү келип түштү

Өткөн дем алыш күнү болгон шайлоодон баштап азыркы күнгө чейин БШКнын дарегине 300дөн ашуун арыз-даттануу, билдирүү келип түшкөн. Тиешелүү мыйзамдарга ылайык, 20 күндүн ичинде аймактык шайлоо комиссиялары маалыматтарды карап, тийиштүү чечимдерин БШКга жиберет. Шайлоонун алдын ала жыйынтыгына нааразы болгондор борбор калаада акцияларды уюштурушууда. Бир катар талаптарын билдирип чыккандардын артында башка кызыкчылыктары үчүн жан үрөп жүргөндөр экендигин эксперттер билдирет. Ал арада жарандар мамлекетке тынчтык, стабилдүүлүк жана саясий туруктуулуктун сакталышы башкы максат болушу зарыл. Анткени шайлоо жыйынтыгы элдин тандоосун далилдеп турат дешет.