Соттук реформа ишке ашышы үчүн соттор өздөрү тазаланышы маанилүү

Президент Садыр Жапаров Сот жана укук коргоо ишин өркүндөтүү маселелери боюнча кеңештин биринчи жыйынын өткөрдү. Жыйында Кеңештин алдында турган милдеттер каралып, бир катар мыйзам долбоорлору жана башка актуалдуу маселелер талкууланды. Өлкө башчысы соттук реформа натыйжалуу ишке ашышы үчүн, биринчи кезекте, соттор өздөрү тазаланышы керек экенин, ошондо гана реформаны ишке ашыруу мүмкүн болорун билдирди.