Сууга түшүү: сактыкта кордук жок

Жай келгени Кыргызстандын башка аймактарындай эле ордолуу Ош шаарында да эс алгандар көбөйөт. Суу жээгинде балык улагандар, тоо-ташка чыгып, шар аккан суунун жээгинде шишкебек жасап жегендер мындан көп. Айрыкча аптап ысыкта сууну эңсеген жарандар кооптуу болуп эсептелгенине карабай каналдарга, шар аккан чоң сууларга барып түшөт. Мындай ээн, көзөмөлсүз калган жерлерде сууга чөгүү да көп катталары анык.