ТАМАК-АШ КООПСУЗДУГУНА 26 МЛРД. СОМДОЙ КАРАЖАТ БӨЛҮНӨТ

Министрлер кабинети өткөн жумада калкка жана бизнеске мамлекеттик колдоо көрсөтүүгө багытталган Антикризисттик планды кабыл алган. Экономика жана коммерция министрлиги маалымдагандай, пландагы чаралар 7 багытка топтолуп, ар бирине финансылык каражаттар белгиленди. Анын жалпы көлөмү 126 млрд сомду түзөт. Биринчи жолу мындай планга каржылык ресурстар каралгандыктан оң натыйжалар болот дешет экономисттер.