Таза иштеген коммерциялык эмес уюм отчет берүүдөн качпайт

Коммерциялык эмес уюмдар өзүнүн ишмердүүлүгү тууралуу куру сөз менен гана чектелбей, маалыматтарды ачык-айкын бериши керек. Мындай ойлор коммерциялык эмес уюмдар жана юридикалык жактарды мамлекеттик каттоо жөнүндөгү мыйзамга өзгөртүүлөрдү киргизүүгө арналган парламенттик угууда айтылды. Көпчүлүк катышуучулар мындай мыйзам өлкөгө керек экенин айтышса, айрымдар бул өзгөртүүлөр менен коммерциялык эмес уюмдардын укуктары чектелип калаарын белгилешет.