ТЕЛЕФОН АЛДАМЧЫЛАРЫНАН АБАЙЛАҢЫЗ!

Өлкөдө телефон аркылуу жарандардын ишенимине кирип, алдамчылык менен акча тапкандар көбөйдү. Ички иштер министрлигинин Кылмыш иликтөө башкы башкармалыгынын кызматкерлери жакында эле мындай мыйзамсыз иштерге катыштыгы бар делген кылмышкерди абактан таап чыкты. Ал жогорку кызмат адамы катары өзүн тааныштырып, элден алдап акча алып жүргөн. Бул мисал миңдеп саналган алдамчылык фактыларынын бири гана. Адамдын ишеничине бат кирип, чөнтөгүн кагып кеткен шылуундар жана алардан коргонуу чаралары тууралуу кийинки материалда сөз болот.