2018-жылдын статистикалык маалыматтарына таянсак өткөн жылы Кыргызстанда 647 кыз келинге көкүрөк рагы деген диагноз коюлган. Алардын ичинен 94ү көз жумган. Бул кейиштүү жагдайлар бейтаптардын дарыгерге кеч кайрылуусу менен байланыштырылат. Ооруну жашырсаң өлүм ашкере кылат дегендей кыз келиндердин көбү убагында дарыгерге кайрылбайт. Качан гана өтүшүп кеткенде келишет. Бирок анда кеч болуп калган болот. Көкүрөк рагы медицинанын көз карашында өтө деле коркунучтуу илдет эмес. Айыктырууга толук мүмкүнчүлүк бар. Тек гана дартты убагында аныктап, маалында дарылануу абзел.