Жапаров армия оюндарынын жеңүүчүлөрүн сыйлады

Президент Садыр Жапаров АрМИ-2021 оюндарынын алкагында өткөн «Танкалык биатлон» жана «Десанттык взвод» мелдештеринин жеңүүчүлөрүн куттуктады. Аларга өзүнун атынан энчилүү сааттарды, ыраазычылык каттарды жана 2 млн сомдой акчалай сыйлык тапшырды. Мамлекет башчысы аскерлердин жеңишин жогору баалап, алар Токио шаарындагы Олимпиада оюндарында жогорку натыйжага жетишкен спортчулар менен катар Кыргызстандын эгемендүүлүгүнүн 30 жылдыгына белек кылышканын белгиледи. Кыргызстандык танкисттер 8 мамлекеттин командалары менен ат салышса, курсант-десантчылар 12 өлкөнүн командалары менен күч сынашып, атаандаштардан озуп чемпион аталган.