Акыркы убактарда айрым документтер анын ичинде паспорт мыйзамсыз, жасалма жол менен берилип жатат деген имиштер коомчулукта байма-бай айтылып келет. Мындан улам, Мамлекеттик каттоо кызматы бул маселенин бардык факторлорун жана шарттарын түп тамырынан жок кылуу боюнча бир топ алгылыктуу иш-аракеттерди жасоодо. Айтсак, паспорт, никеге туруу, балага күбөлүк алуу сыяктуу документтер бүгүнкү күндө аталган кызматтын автоматташтырылган маалыматтык системасына киргизилген. Бүгүнкү күндө өлкө аймагында 19 калкты тейлөө борбору бар. Анын төртөө Бишкек шаарында жарандарга кызмат көрсөтүп келет.