ЖЭБ иши: Жогорку сот өкүмдү күчүндө калтырды

Жогорку сот Жылуулук электр борборун оңдоп-түзөөдөгү коррупцияга байланыштуу Бишкек шаардык сотунун өкүмүн дээрлик күчүндө калтырды. Күн мурун соттук коллегиянын чыгарган бүтүмүнө ылайык, соттолуучулардан Каржы министрлигинин пайдасына 5 миллиард сомдон ашык материалдык зыянды өндүрүү деген бөлүгү “ортоктош түрдө” деген сөздөр менен толукталган. Ал эми прокурордун кассациялык сунушу жана жактоочулардын даттануулары канааттандыруусуз калтырылган.