Жемкорлордон кайтарылган каражатка 15 мектеп курулуп жатат

Бирдиктүү депозиттик эсептен 15 мектептин курулушу каржыланууда. Анын 7си Чүй облусунда, дагы 7си Бишкекте жана бир мектеп Ош шаарында курулууда. Аны ишке ашырууга атайын эсептен жалпы 799 млн сом бөлүнгөн. Жакынкы күндөрү 3 мектептин имараты пайдаланууга берилет. Калган 12 мектептин курулуш иштери жыл аягына чейин бүткөрүлүп, эксплуатацияланат. Андан сырткары, буга чейин авариялык деп табылган 29 мектепте оңдоп-түзөө иштери жүргүзүлүп, калыбына келтирилет.