ЖРТга КАТТОО 6-АПРЕЛГЕ ЧЕЙИН ЖҮРГҮЗҮЛӨТ

Кыргызстанда 6-апрелге чейин жалпы республикалык тестке каттоо жүргүзүлөт. Тестке каттоо абитуриенттер үчүн окуган жайларында уюштурулат. Башка жылдары орто билимге ээ болгондор шаардык жана райондук билим берүү бөлүмдөрүнөн өтүшөт. Билим берүү жана илим министрлиги билдиргендей, 2022-жылдын жалпы республикалык тестирлөөсү май айынын 23-нөн 28-не чейин болот. Жогорку окуу жайларда бюджеттик жана контракттык негизде окуй тургандар тест тапшыруу үчүн testing.kg сайтындагы онлайн-тесттерди, кошумча акыга сатылган колдонмолорду пайдалана алат.