Нарында Турдакун Усубалиевдин эстелиги ачылды

Быйыл Кыргызстанда көрүнүктүү саясий ишмер Турдакун Усубалиевдин 100 жылдыгы белгиленүүдө. Мунун алкагында мамлекетти чейрек кылым башкарган улуу инсандын өмүрүнө, ишмердүүлүгүнө байланыштуу ар кыл иш-чаралар өтүп жатат. Бүгүн да Нарын шаарында жаңыланган борбордук аянт ачылып, Турдакун Усубалиевдин эстелиги тургузулду. 2* Көрүнүктүү мамлекеттик жана саясий ишмер Турдакун Усубалиевдин 100 жылдыгына арналган салтанаттуу иш-чарага Премьер-министр Мухаммедкалый Абылгазиев, үй-бүлө мүчөлөрү, туугандары, замандаштары, белгилүү коомдук жана мамлекеттик ишмерлер катышты.