Драмада да, комедияда да жашады… Кыргызстандын эмгек сиңирген артисти Марат Жантелиевдин сөөгү жерге берилди

Актёр, Кыргызстандын эмгек сиңирген артисти Марат Жантелиевдин сөөгү «Ала-Арча» көрүстөнүндө жерге берилди. Маркумду акыркы сапарга узатуу зыйнаты Бишкектеги Учкун конушундагы актёрдун өз үйүндө өттү. Ага бийлик жана маданият өкүлдөрү катышкан. Кыргызстандагы белгилүү актёр, Бопуш деген ат менен белгилүү болгон талант Марат Жантелиев кечээ ооруканадан үзүлгөн. Ал 59 жашта болчу.