Казакстандын жетекчилиги менен түз байланыш калыптанды — Руслан Казакбаев мамлекеттик сапардын жыйынтыгы боюнча

6

Келаткан жумада Казакстандын соода жана интеграция министри баштаган казак делегациясы Бишкекке келет. Анда эки тараптуу бажы, чек ара кызматтары жана башка министрликтер ортосунда сүйлөшүүлөр өтөт. Ошондой эле Садыр Жапаровдун Казакстанга болгон мамлекеттик сапарында макулдашуулардын алкагында Кыргызстанда Аль-Фараби атындагы Университеттин филиалын ачуу, кыргыз студенттерине акысыз орундардын санын 10 эсеге көбөйтүү, 2021-2022-жылдары Казакстан менен Кыргызстандын маданият күндөрүн өткөрүү пландалган.