Сооронбай Жээнбеков: Кыргыз киносунун кереметин Чокморовдун тагдырынан бөлүп кароого болбойт

Жалпы журтка сыймык тартуулаган эмгектерди жараткан залкар сүрөткер, атактуу актер Сүймөнкул Чокморов көзүү тирүү болгондо быйыл 80 жашка чыкмак. Бүгүн Токтогул Сатылганов атындагы Кыргыз улуттук филармониясында Чокморовдун 80 жылдык мааракесине арналган салтанаттуу иш-чара өттү. Ага катышкан Президент Сооронбай Жээнбеков кыргыз киносунун кереметин, кыргыз сүрөт өнөрүнүн ийгиликтерин Сүймөнкул Чокморовдун тагдырынан бөлүп кароого болбой турганын белгиледи.