Талант Мамытов Сербиядан келген балбандарга акчалай сыйлыктарды тапшырды

Президенттин милдетин аткаруучу Талант Мамытов Сербия мамлекетинин Белград шаарында өткөн Дүйнө кубогунда байгелүү орундарды ээлеген күрөш боюнча улуттук курама команданын балбандары жана машыктыруучуларына акчалай сыйлыктарды тапшырды. Дүйнө Кубогуна барган Кыргызстандык балбандар 3 алтын жана 5 коло медалды багындырышкан. Жалпы медалдык эсеп боюнча улуттук курама команда экинчи орунга татыган. Талант Мамытов 2021-жылы Японияда өтө турчу Олимпиада оюндарында кыргыз спортчулары жеңүүчү болуп кайтып келээрине үмүт артаарын билдирди.