Талант Мамытов Жогорку Кеңештин төрагасы болуп шайланды

4-ноябрда Жогорку Кеңештин төрагалыгына көпчүлүктүн добушу менен Талант Мамытов шайланды. Бул кызматты ээлеп келген Канатбек Исаев президенттик шайлоого катышарын билдирип, отставкага кетти. Анын талапкерлигин «Кыргызстан» партиясы көрсөткөн. Ал эми жаңы спикердин алгачкы демилгеси – «Ак үйдүн» алдын курчап турган тосмону алып салуу болду. Мамытов сунушун парламент элге жакын болуп иштеши керек деп түшүндүргөн.