«Евразия жумалыгы» старт алды

Евразиялык экономикалык биримдик экономикалык жактан көз карандысыз, атаандаш бирикме болуп келе жатат. Бул тууралуу «Евразия жумалыгы» эл аралык форумунда өкмөт башчы Мухаммедкалый Абылгазиев билдирди. Өкмөт башчы форумда сөз сүйлөп жатып, ЕАЭБ дүйнөлүк экономиканын негизги мүчөлөрүнүн бири болуп келе жатканын белгиледи. Жыйындын катышуучулары ЕАЭБ мейкиндигиндеги санарип экономиканы жана чарба, ишкана, товарлардын бирдиктүү маалыматтык базасын түзүү керектигин кошумчалашты.